Godkjend prosjekt, kva no?
Om vi godkjenner søknaden dykkar, må organisasjonsrepresentanten først sende inn ei eigenerklæring for bedrifta. Deretter vil vi opprette eit prosjekt med eit prosjektnummer i systemet vårt. All vidare kommunikasjon og rapportering vil gå føre seg i prosjektet, ikkje i søknaden.
Dette bør du ha på plass når du startar prosjektet
- Oppgåver og roller i prosjektet: Gi alle prosjektdeltakarar og andre med oppgåver eller roller i prosjektet tilgang til prosjektet via Mi side.
- Prosjektrekneskap med revisor: Alle som krev skattefrådrag i SkatteFUNN-ordninga må ha revisorattestasjon av prosjektrekneskapet som tala i skattemeldinga er baserte på. Du må derfor allereie ved oppstart av prosjektet sørgje for å ha eit system for å føre prosjektrekneskap fortløpande for å dokumentere utgiftene per arbeidspakke i prosjektet. Timelistene skal signeres av prosjektdeltaker og prosjektansvarlig løpende, og minst hvert kvartal.
- Dokumentasjon av større kostnader: Dei må hente inn dokumentasjon av kostnader over 100 000 kroner (eks. mva) frå eventuelle underleverandørar ved kjøp av FoU-tenester frå nærståande føretak.
For å få skattefrådrag gjennom SkatteFUNN, må bedrifta føre rekneskap jamleg og rapportere viktige endringar i prosjektet.
Dersom prosjektet går over fleire år, må du levere statusrapport innan 1. mars året etter at prosjektet vart godkjent og kvart år etter dette. Når godkjenningsperioden er over skal du sende inn sluttrapport.
Det er viktig at vi til kvar tid har oppdatert og korrekt informasjon om prosjektet. Sjå meir informasjon om kva du skal gjere ved endringar i prosjekt.
Du kan klage på vedtaket. Det finst ei eiga ordning for å klage på Skattefunn-vedtak som skil seg frå dei andre ordningane våre. Fristen for å sende inn klage er innan tre veker frå du får avslagsbrevet, med mindre det er spesifisert ein annan frist.
Skattemeldinga
Utbetalinga kjem gjennom skatteoppgjeret, anten som ein reduksjon i skatt eller som ei utbetaling for bedrifter som ikkje er i skatteposisjon.
De må sjølv krevje frådrag for FoU-kostnadene via skattemeldinga via eit eige temakort som heter «Skattefradrag for kostnader til forskning og utvikling". Frist for å sende inn skattemeldinga er 31. mai kvart år.
Slik fyller du inn feltet «Arbeidspakke-ID» i skattemeldinga
Søknadsskjemaet for SkatteFUNN har felt for nummerering av arbeidspakkar/delmål. Kvar enkelt arbeidspakke får i tillegg tildelt eit unikt ID-nummer, som ikkje er synleg for deg som søkjer. Når du fyller ut seksjonen «Kostnader til forskning og utvikling» i skattemeldinga, blir du bedt om å fylle inn «arbeidspakke-ID», som altså er dette unike ID-nummeret.
Det enklaste er om du bruker funksjonen for førehandsutfylling i skattemeldinga: Skriv inn prosjektnummeret du fekk tildelt etter godkjenninga av søknaden (ikkje søknadsnummeret). Da skal visse opplysningar om det godkjente prosjektet bli fylt ut av seg sjølv. Dersom dette ikkje fungerer og du likevel må fylle ut alt sjølv anbefaler vi at du skriv inn den kronologiske nummereringa frå søknadsskjemaet, altså arbeidspakke 1, 2, 3, osb.
Dersom du har spørsmål om skattemeldinga, så må du ta kontakt med Skatteetaten: Fradrag for forskning og utvikling – SkatteFUNN - Skatteetaten.